معروف موسیقار اللہ رکھا رحمان (اے آر رحمن) کی والدہ کریمہ بیگم کا پیر کو انتقال ہوگیا۔ کنبہ کے قریبی ذرائع نے اس بارے میں معلومات دی۔ اے آر رحمان نے اپنے ٹویٹر اکاؤنٹ پر اپنی والدہ کی تصویر شیئر کی ہے۔
تمل ناڈو کے چیف منسٹر کے پالینیسوامی اور ڈی ایم کے صدر ایم کے اسٹالن نے اے آر رحمن کی والدہ کے انتقال پر تعزیت کا اظہار کیا ہے۔
پالینیسوامی نے ٹویٹ کیا کہ بیماری کے سبب لیجنڈ موسیقار اے آر رحمٰن کی والدہ کریمہ بیگم کی وفات پر میں غمزدہ ہوں۔
وزیراعلیٰ نے اے آر رحمان اور ان کے اہل خانہ سے اظہار تعزیت کیاہے۔
ڈی ایم کے صدر اسٹالن نے کہا کہ رحمان کی موسیقی میدان میں کامیابی میں ان کی والدہ کا بڑا کردار تھا۔
انہوں نے کہا کہ کریمہ بیگم نے اپنے بچوں کی تربیت میں کسی طرح کی کمی نہیں کی، یہی وجہ ہے کہ اے آر رحمان نے موسیقی کی دنیا میں ایک الگ شناحت دلائی ہے۔
