سین فرانسسکو: ایپل اور سام سنگ ڈسپلے نے مبینہ طور پر آئندہ لانچ ہونے والے آئی پیڈ پرو اور میک بک پرو ڈیوائسز کے لیے OLED پینل کی ڈیولپمنٹ پر مل کر کام کرنا شروع کر دیا ہے، جس کی اگلے سال ریلیز ہونے کی امید ہے۔ SamMobile کی ایک رپورٹ کے مطابق، OLED اسکرین کے ساتھ آنے والا آئی پیڈ پرو اگلے سال کے شروع میں ریلیز ہونے کا امکان ہے اور یہ 11.1 انچ اور 13 انچ کی مختلف ویریئنٹ میں دستیاب ہو سکتا ہے۔ پہلا MacBook Air OLED اسکرین کے ساتھ اس سال لانچ ہونے کی امید ہے اور اس میں 13 انچ کا ڈسپلے ہو سکتا ہے۔
تاہم، OLED اسکرین کے ساتھ MacBook Pro کے 2026 میں ریلیز کیے جانے کا امکان ہے اور توقع ہے کہ یہ 14 انچ اور 16 انچ اسکرین سائز میں آئے گا، جو کہ موجودہ نسل کے ہائی اینڈ لیپ ٹاپس کی طرح ہے۔ رپورٹ میں بتایا گیا ہے کہ موجودہ MacBook Pro میں منی ایل ای ڈی ڈسپلے کا استعمال کیا گیا ہے، جو OLED پینلز سے زیادہ اسکرین برائٹنس فراہم کرتا ہے۔
مزید پڑھیں:
اس درمیان پچھلے مہینے، یہ بتایا گیا تھا کہ سام سنگ خصوصی ٹو اسٹیک ٹینڈم OLED پینلز کی ترقی کو ترجیح دے رہا ہے جو 2024 میں کچھ آئی پیڈ ماڈلز میں استعمال ہوں گے۔ ٹو اسٹیک ٹینڈم OLED پینلز میں ایک کے بجائے پکسلز کی دو پرتیں شامل ہیں اور یہ ہائبرڈ ٹیکنالوجی اسمارٹ فونز، ٹیبلیٹس، سمارٹ واچز، ٹی وی اور لیپ ٹاپس میں استعمال ہونے والے موجودہ OLED پینلز کے مقابلے میں زیادی فیچرز اور سہولیات شامل ہیں۔
