Facebook Subscription Service امریکہ میں میٹا کے پیڈ سبسکرپشن پلان کا جلد آغاز

میٹا کے سی ای او مارک زکربرگ نے اعلان کیا ہے کہ کمپنی امریکہ میں فیس بک اور انسٹاگرام کے لیے اپنا پیڈ سبسکرپشن پلان شروع کر رہی ہے تاہم کمپنی یہ پلان آسٹریلیا اور نیوزی لینڈ میں پہلے ہی شروع کرچکی ہے۔

سبن فرانسسکو: میٹا کے سی ای او مارک زکربرگ نے اعلان کیا ہے کہ کمپنی امریکہ میں فیس بک اور انسٹاگرام کے لیے اپنا پیڈ سبسکرپشن پلان شروع کر رہی ہے۔ دی ورج کی رپورٹ کے مطابق، سب سے پہلے آسٹریلیا اور نیوزی لینڈ میں یہ پلان لانچ کیا گیا تھا، میٹا ویریفائڈ پلان ایک تصدیق شدہ لیبل ہے جو نقالی کے خلاف بہتر تحفظ، اور کسٹمر سپورٹ تک براہ راست رسائی پیش کرتا ہے۔ سبسکرپشن پلانز کی قیمت ویب کے لیے ماہانہ $11.99 اور موبائل کے لیے $14.99 فی ماہ ہوگا۔ سبسکرپشن پلانز کے لیے صارفین کی عمر 18 سال یا اس سے زیادہ ہونی چاہیے۔ صارفین کو کمپنی میں اپنی ایک شناختی تصویر جمع کرانی ہوگی۔ رپورٹ میں کہا گیا ہے کہ ایک بار آپ کا اکاؤنٹ تصدیق ہوجانے کے بعد صارفین اپنا نام، پروفائل کا نام، تاریخ پیدائش یا تصویر دوبارہ تب تک تبدیل نہیں کرسکتے جب تک کہ ان کی نئی کمپنی کے نام کی تصدیق نہ ہوجائے۔

واضح رہے کہ پچھلے مہینے ایلون مسک کے ذریعے چلنے والے ٹویٹر سے متاثر ہو کر، میٹا نے یہ اعلان کیا ہے کہ وہ انسٹاگرام اور فیس بک کے لیے ادائیگی کی تصدیق کی جانچ کر رہا ہے۔ تاہم بعد میں، کمپنی نے آسٹریلیا اور نیوزی لینڈ میں مقیم صارفین کے لیے بامعاوضہ سبسکرپشن پلان متعارف کرایا ہے۔