مظفرپور کے چیف جوڈیشل مجسٹریٹ مکیش کمار نے مقامی وکیل سدھیر کمار اوجھا کی جانب سے دائر درخواست کو خارج کرتے ہوئے کہا کہ معاملہ عدالت کے دائرہ اختیار سے باہر ہے۔
واضح رہے کہ ایڈوکیٹ سدھیر اوجھا نے فلم اداکار سلمان خان، کرن جوہر، ایکتا کپور، سنجے لیلابھنسالی اور دیگر کے خلاف اس کیس میں درخواست دائر کی تھی۔ اس کے تحت وکیل نے عدالت سے تحقیقات کرکے کیس درج کرنے کا حکم دینے کا مطالبہ کیا تھا۔
سدھیر اوجھا نے کہا کہ وہ اس کیس میں عدالت میں نظرثانی کی درخواست دائر کریں گے۔ انہوں نے بالی وڈ اداکارہ کنگنا رناوت کے بیانات کو بنیاد بناکر عدالت میں درخواست دائر کی تھی ۔
انہوں نے میڈیا سے بات کرتے ہوئے کہا کہ "میں چیف جسٹس کے فیصلے کو ضلعی عدالت کے سامنے چیلنج کروں گا۔ بہار کو سشانت سنگھ راجپوت کی موت پر بہت افسوس ہے ۔ ہمیں ان کو انصاف دلانے کے لیے ان لوگوں کو انصاف کے کٹہرے میں لانا ہوگا۔"
