مظفرنگر پولیس نے گرفتار ملزمین سے سوا لاکھ روپے کی قیمت کی درخت کی لکڑی اور غیر قانونی اسلحہ ضبط کئے ہیں۔
مظفرنگر کے ایس ایس پی ابھیشیک یادو کی سربراہی میں ضلع پولیس مجرموں کو گرفتار کرکے مسلسل نئے ریکارڈ بنا رہی ہے۔
ایسے ہی ایک مہم کے تحت میراپور پولیس کو بڑی کامیابی ملی ہے۔
میرا پور پولیس نے مخبر خاص کی اطلاع پر کتب پور جھال سے چار شاطر درخت چوروں کو گرفتار کیا ہے۔
پولیس نے ملزمان کے قبضے سے ایک تمنچہ، ایک ٹریکٹر ٹرالی اور لکڑی کے 95 ٹکڑے برآمد کیے ہیں، جن کی قیمت بازار کے حساب سے سوا لاکھ روپے بتائی جا رہی ہے۔
- مزید پڑھیںؒ: بحریہ کے جوان کو زندہ جلانے کا دردناک واقعہ
پوچھ گچھ کے دوران ملزمان نے بتایا کہ انھوں نے 19 جنوری 2021 کی رات بابرا والا جنگل سے درخت چوری کیے تھے۔
اس کے علاوہ 4 فروری 2021 کو انہوں نے گاؤں موگ پور کے جنگل سے 23 پوپلر کے درختوں کو چوری کئے تھے ۔
پولیس نے چاروں ملزمین سے پوچھ گچھ کرنے کے بعد جیل بھیج دیا ہے۔
