واشنگٹن: امریکہ کے الینوائے میں 4 جولائی کو ایک پریڈ کے دوران گولی چلانے US Parade Shooting کے الزام میں گرفتار مشتبہ شخص پر فرسٹ ڈگری قتل یعنی عمداََ قتل کے سات الزامات عائد کیے گئے ہیں۔ لیک کاؤنٹی اسٹیٹ اٹارنی ایرک رائن ہارٹ نے کہا کہ مشتبہ شخص کو مستقبل میں مزید درجنوں الزامات کا سامنا کرنا پڑ سکتا ہے۔ 21 سالہ رابرٹ بوبی ای کریمو پر اگر جرم ثابت ہوا تو اسے عمر قید کی سزا سنائی جا سکتی ہے۔ مشتبہ ملزم کے اس جرم کی وجوہات ابھی تک غیر واضح ہیں۔
یہ بھی پڑھیں:
Biden Condemned the Shooting in Chicago: بائیڈن نے شکاگو واقعہ پر کیا دکھ کا اظہار
امریکی صدر جو بائیڈن اور خاتون اول جل بائیڈن نے اس حادثے پر دکھ کا اظہار کیا ہے۔ بائیڈن نے کہا جِل اور میں یوم آزادی کے موقع پر ہونے والے اس بے ہودہ واقعہ سے حیران ہیں۔ میں نے گورنر پرٹزکر اور میئر روٹرنگ سے بات کی ہے اور انہیں وفاقی حکومت کی مکمل حمایت کی پیشکش کی ہے۔ انہوں مزید کہا ’’میں نے حال ہی میں پہلے بندوق اصلاحات قانون پر دستخط کیے ہیں، لیکن ابھی مزید کام کرنا باقی ہے۔ میں بندوق کے تشدد کی وبا سے لڑنا نہیں چھوڑوں گا‘‘۔ شکاگو کے ہائی لینڈ پارک میں پیر کی صبح یوم آزادی کی پریڈ کے دوران فائرنگ US Parade Shooting کے نتیجے میں کم از کم سات افراد ہلاک اور ایک بچے سمیت 26 زخمی ہوگئے۔
