پاکستان: ہندو لڑکیوں کی گمشدگی کا معاملہ، نکاح خواں گرفتار

پاکستان کے گھوٹکی علاقے میں دو ہندو نابالغ بہنوں کا مبینہ اغوا جبرا تبدیل مذہب اور نکاح کا واقعہ سامنے آنے کے بعد بھارت نے شدید ردعمل ظاہر کیا ہے۔

دونوں بہنوں کا مذہب تبدیل کرانے کے بعد ان کا نکاح کرانے کے معاملے میں پولیس نے کاروائی کرتے ہوئے اس میں تعاؤن کرنے والے ایک شخص اور نکاح میں شریک ہوئے افراد کو گرفتار کیا ہے۔

گھوٹکی کے ڈپٹی کمشنر اور سینئر پولیس سپرنٹنڈنٹ فاروق لانجھر نےدونوں بہنوں کے رشتہ داروں سے ان کے گھر پر جاکر ملاقات کی۔

لانجھر نے بتایا کہ ابتدائی رپورٹ کی بنیاد پر نکاح کرانے والے اور اس میں شریک ہونے والے سمیت کچھ لوگوں کو گرفتار کیاگیا ہے۔