کابل: افغانستان سے جیسے ہی امریکہ اور اس کے اتحادیوں نے اپنی افواج کا انخلاء شروع کیا، طالبان نے ملک پر دوبارہ کنٹرول حاصل کرنے کے لیے اپنی جد و جہد شروع کر دی اور اگست 2021 میں، طالبان نے اپنی مہم کو تیز کرتے ہوئے ملک بھر میں 10 دن کے اندر کئی شہروں پر قبضہ کر لیا، جس کا اختتام 15 اگست 2021 کو دارالحکومت کابل کے زوال کے ساتھ ہوا۔ جب اس وقت کے صدر اشرف غنی طالبان جیت گئے کا اعتراف کرتے ہوئے ابوظہبی فرار ہو گئے۔ Afghanistan since Taliban takeover
اس کے بعد سے افغانستان کی حالت تباہ کن رہی، دنیا کی طرف سے فنڈنگ منقطع کر دی گئی جس کی وجہ سے افغانستان کی پہلے سے ہی تباہ شدہ معیشت تقریباً راتوں رات مزید تباہ ہوگئی، جس سے تقریباً پوری آبادی غربت میں چلی گئی اور لاکھوں لوگ اپنا پیٹ پالنے کے قابل نہیں رہے مزید یہ کہ ابھی تک کسی ملک نے طالبان کی حکومت کو تسلیم بھی نہیں کیا۔ ابتداء میں یہ اشارہ دینے کے بعد کہ طالبان اس دوسرے دور اقتدار میں زیادہ اعتدال پسند ہوں گے، لیکن طالبان نے سخت گیر موقف اختیار کیا، خواتین پر کئی پابندیاں عائد کیں اور پریس پر زیادہ کنٹرول مسلط کیا۔ یہاں طالبان کے قبضے اور اس کے بعد کی حکمرانی کے سلسلے میں اہم واقعات کی ایک ٹائم لائن ہے۔
29 فروری 2020: امریکی صدر ڈونلڈ ٹرمپ کی انتظامیہ نے طالبان کے ساتھ ایک معاہدے پر دستخط کیے گئے جس میں یکم مئی 2021 تک افغانستان سے امریکی فوجیوں کے انخلاء کا عہد کیا گیا ہے۔
14 اپریل 2021: صدر جو بائیڈن کا کہنا ہے کہ امریکہ کی جنگ کو ہمیشہ کے لیے ختم کرنے کے لیے افغانستان میں باقی 2500 امریکی فوجیوں کو 11 ستمبر تک واپس بلا لیا جائے گا۔
مئی تا اگست 2021: زمین پر طالبان ملک بھر کے اضلاع پر بغیر لڑائی کے اپنے کنٹرول میں لے لیتے ہیں اور اگست کے وسط تک وہ زیادہ تر بڑے شہروں سمیت تقریباً پورے ملک کو کنٹرول کر لیتے ہیں۔
15 اگست 2021: بین الاقوامی حمایت یافتہ صدر اشرف غنی کے ملک سے فرار ہونے پر طالبان کابل میں مارچ کرتے ہیں اور صدارتی محل پر قبضہ کرلیتے ہیں
16 اگست 2021: ہزاروں شہری کابل کے بین الاقوامی ہوائی اڈے پر پروازوں میں سوار ہونے کی امید میں جمع ہوتے ہیں کیونکہ امریکی فوجیوں اور حکام نے انخلاء کی پروازوں کا اہتمام کیا ہوا تھا۔ اس افراتفری میں کچھ لوگ طیارے کے ٹیک آف کرتے وقت جہاز سے چمٹے ہوئے نظر آتے ہیں جس کی وجہ سے کم از کم دو افغان شہریوں کی جہاز سے گرنے پر موت کے بارے میں جانا جاتا ہے
18 اگست 2021: طالبان کی پہلی پریس کانفرنس میں، ترجمان ذبیح اللہ مجاہد نے سابق فوجیوں کے خلاف کوئی انتقامی کارروائی نہ کرنے کا وعدہ کرتے ہوئے کہا کہ طالبان خواتین کو اسلام کے دائرہ کار میں رہتے ہوئے کام کرنے اور تعلیم حاصل کرنے کی اجازت دیں گے۔
26 اگست 2021: اسلامک اسٹیٹ گروپ کے خودکش بمباروں اور بندوق برداروں نے کابل کے ہوائی اڈے پر انخلاء کی کوشش کرنے والے ہجوم پر حملے میں کم از کم 60 افغان اور 13 امریکی فوجیوں کو ہلاک کر دیے۔ اس حملے کے کئی دن بعد، کابل میں ایک امریکی ڈرون حملہ کیا گیا جس میں سات بچوں سمیت 10 شہری مارے گئے۔ پینٹاگون نے ابتدائی طور پر کہا کہ اس حملے میں ہوائی اڈے پر حملے کے مجرموں کو نشانہ بنایا گیا تھا لیکن بعد میں اس نے تسلیم کیا کہ یہ ایک غلطی تھی۔ چار دن بعد، طالبان 30 اگست کو آخری امریکی افواج اور ان کے اتحادیوں کی رخصتی کے طور پر جشن مناتے ہیں۔
اگست 2021: طالبان کے قبضے نے افغانستان کے 8 بلین ڈالر کے بیرون ملک اثاثوں کو منجمد کر دیا جن میں سے زیادہ تر امریکہ میں ہیں۔ اس کے علاوہ اربوں کی ترقیاتی اور دیگر امداد بھی روک دی گئی اور پہلے سے ہی کمزور معیشت مزید تباہ ہوگئی۔
ستمبر 2021: افغانستان میں اسکول دوبارہ کھول دیے گئے۔ چھٹی جماعت تک کی لڑکیوں کو کلاسوں میں واپس آنے کی اجازت دی گئی۔ تاہم، چھٹی جماعت سے اوپر کی لڑکیوں کو کچھ مقامی استثناء کے ساتھ واپس جانے کی اجازت نہیں ہے۔
7 ستمبر 2021: بین الاقوامی دباؤ کے باوجود طالبان نے ایک عبوری حکومت کے قیام کا اعلان کیا، جو مکمل طور پر طالبان شخصیات اور مردوں پر مشتمل ہے۔ طالبان نے اشارہ کیا کہ بعد میں اس کو وسیع کیا جا سکتا ہے تاکہ دوسرے دھڑوں کو بھی شامل کیا جا سکے، لیکن ابھی تک اس میں کوئی زیادہ تبدیلی نہیں ہوئی ہے۔
اکتوبر 2021: قندھار میں ایک شیعہ مسجد میں نماز جمعہ کے دوران دھماکے ہوئے، جس میں امریکی فوجیوں کی روانگی کے بعد سب سے مہلک حملے میں 60 افراد ہلاک ہوئے۔
11 فروری 2022: امریکی صدر جو بائیڈن نے 9/11 حملوں کے متاثرین میں تقسیم کرنے کے لیے امریکہ میں منجمد کیے گئے 7 بلین ڈالر کے افغان اثاثوں میں سے نصف کو روکنے کا ایک ایگزیکٹو آرڈر جاری کیا۔ جو آرڈر دیگر 3.5 بلین ڈالر افغانستان کے فائدے کے لیے استعمال کرنے کا حکم دیتا ہے۔ تب سے امریکی حکام طالبان کے ساتھ بات چیت کر رہے ہیں کہ اس رقم کو کیسے استعمال کیا جائے۔
23 مارچ 2022: طالبان نے اسکولوں کے دوبارہ کھلنے کے چند گھنٹوں بعد سیکنڈری اسکول کی لڑکیوں کو کلاس میں واپس آنے سے روک دیا اور جو لڑکیاں کلاسز کے پہلے دن دکھائی دیتی ہیں انہیں گھر جانے کو کہا جاتا ہے۔ اس تبدیلی سے پتہ چلتا ہے کہ طالبان کی قیادت میں سخت گیر لوگ بڑی عمر کی لڑکیوں کی اسکول واپسی کو روکنے کے متعلق منقسم ہیں۔
7 مئی، 2022: خواتین اور لڑکیوں کو حکم دیا جاتا ہے کہ وہ حجاب پہنیں اور عوامی مقامات پر اپنے چہرے کو ڈھانپیں، مذہبی پولیس کا کہنا ہے کہ وہ خواتین کو گھر میں رہنے کو ترجیح دیتی ہیں۔اس اقدام کے ذریعے نشانہ بننے والوں میں خواتین ٹی وی پریزینٹرز بھی شامل ہیں۔ خواتین پر تنہا طویل فاصلے کا سفر کرنے پر بھی پابندی عائد کی گئی۔
22 جون 2022: مشرقی افغانستان کے ایک دور افتادہ علاقے میں ایک طاقتور زلزلہ آیا، جس میں 1,100 سے زائد افراد ہلاک اور ہزاروں بے گھر ہو گئے۔یہ تباہی طالبان حکومت کے لیے ایک بہت بڑا چیلنج ہے، جسے کسی بھی ملک نے باضابطہ طور پر تسلیم نہیں کیا ہے۔ بین الاقوامی امدادی ادارے امداد کے لیے آتے ہیں، خوراک، خیمے اور طبی سامان بھیجتے ہیں۔
27 جولائی 2022: ایمنسٹی انٹرنیشنل نے ایک رپورٹ جاری کی جس میں کہا گیا ہے کہ طالبان کی پالیسیاں خواتین کو ان کی زندگی کے ہر سطح پر متاثر کر رہی ہیں، جس میں اسکول اور کام پر پابندیوں، بچوں کی شادیوں میں اضافہ اور خواتین کارکنوں پر جبر کی طرف اشارہ کیا گیا ہے۔
31 جولائی 2022: امریکہ نے القاعدہ کے رہنما ایمن الظواہری کو کابل میں ایک محفوظ گھر پر ڈرون حملے میں ہلاک کر دیا جہاں وہ مہینوں سے مقیم تھے۔ امریکی حکام دوحہ معاہدے کی خلاف ورزی کرتے ہوئے طالبان پر اسے پناہ دینے کا الزام لگاتے ہیں۔وہیں طالبان حملے کی مذمت کرتے ہیں لیکن ظواہری کی موت کی تصدیق نہیں کرتے۔
