کابل: افغانستان کے صوبہ خوست میں پیر کو ایک مقامی ہوٹل میں بم دھماکے کی وجہ سے تین افراد ہلاک اور سات زخمی ہوگئے۔ ابھی تک کسی نے اس حملے کی ذمہ داری قبول نہیں کی ہے۔لیکن افغانستان میں نگراں طالبان حکومت کو اسلامک اسٹیٹ (داعش ) کے مسلح کارکنان سے کافی چیلینجز کا سامنا ہے، کیونکہ ان کی جانب سے ملک میں کئی حالیہ حملوں کی ذمہ داری بھی قبول کی گئی ہے۔
قابل ذکر ہے کہ یہ حملہ ایک ایسے وقت میں کیا گیا جب طالبان اقتدار میں واپسی کی دو سالہ سالگرہ منانے والا ہے۔ طالبان نے 15 اگست 2021 کو دوبارہ ملک پر کنٹرول حاصل کر لیا تھا۔ میڈیا رپورٹ کے مطابق 2021 میں طالبان کے افغانستان پر قبضے کے بعد سے دارالحکومت کابل میں بم دھماکوں اور دیگر تشدد میں ایک ہزار سے زیادہ شہری ہلاک ہو چکے ہیں۔ ان میں سے زیادہ تر اموات مساجد اور بازاروں کے قریب آئی آئی ڈی دھماکوں کی وجہ سے ہوئیں۔