اسلام آباد: پاکستان کی فوج نے نے منگل کو کہا کہ اس کے رینجرز نے چھ بھارتیوں کو حراست میں لیا ہے جو مبینہ طور پر 29 جولائی سے 3 اگست کے درمیان ملک میں منشیات، ہتھیار اور گولہ بارود اسمگل کرنے کی کوشش کر رہے تھے۔ پاک فوج کی میڈیا ونگ، انٹر سروسز پبلک ریلیشنز، نے ایک بیان میں کہا کہ بھارت کے ساتھ بین الاقوامی سرحد پر تعینات پاکستانی رینجرز کے دستوں نے 29 جولائی سے 3 اگست تک 6 بھارتی شہریوں کو پاکستانی حدود میں گرفتار کیا ہے۔پاکستانی فوج کے اس دعوے پر بھارتی حکام کی جانب سے فوری طور پر کوئی تبصرہ نہیں کیا گیا۔
آئی ایس پی آر کے بیان میں مزید کہا گیا ہے کہ گرفتار کیے گئے افراد اسمگلر اور جرائم پیشہ افراد تھے جو پاکستان میں "منشیات، اسلحہ اور گولہ بارود" اسمگل کرنے کی کوشش کر رہے تھے اور ان بھارتی اسمگلروں سے پاکستان میں غیر قانونی طور پر داخل ہونے اور مذموم سرگرمیوں میں ملوث ہونے کے لیے قانون کے مطابق نمٹا جائے گا۔ بیان میں کہا گیا ہے کہ ان میں سے چار اسمگلروں کا تعلق بھارتی ریاست پنجاب کے فیروز پور سے ہے، جن کے نام گرومیج ولد گلدیپ سنگھ، شندر سنگھ ولد بھورا سنگھ، جوگندر سنگھ ولد ٹھاکر سنگھ اور وشال ولد جگا ہیں۔ جبکہ رتن پال سنگھ کا تعلق جالندھر سے ہے اور گرویندر سنگھ کا تعلق لدھیانہ سے ہے۔
یہ بھی پڑھیں:
