Blasphemy in Pakistan پاکستان میں توہین مذہب کے الزام میں ہندو صفائی ملازم گرفتار

پاکستان میں توہین مذہب کے معاملے میں مشتعل ہجوم نے ہندو صفائی ملازم کو پکڑنے کے لیے ایک کثیر المنزلہ عمارت پر چڑھنے کی کوشش کی، تاہم موقع پر پہنچی پولیس نے ہجوم کو منتشر کرنے کے لیے طاقت کا استعمال کیا اور ملزم کو گرفتار کر لیا ہے۔ Blasphemy in Pakistan

پاکستان کے شہر حیدرآباد میں ایک ہندو صفائی ملازم کو توہین مذہب Blasphemy in Pakistan کے الزام میں گرفتار کر لیا گیا ہے۔ اس سے قبل ایک انتہا پسند گروپ تحریک لبیک پاکستان کے کارکنان نے ہندو صفائی ملازم اشوک کمار کے خلاف کئی احتجاجی مظاہرے کیے تھے۔ اس واقعے سے متعلق ایک ویڈیو سوشک میڈیا پر وائرل ہو رہا ہے جس میں دکھایا گیا ہے کہ مشتعل ہجوم اشوک کمار کو پکڑنے کے لیے ان کی کثیر المنزلہ عمارت پر چڑھنے کی کوشش کر رہی ہے۔

ایک سینئر پولیس افسر نے پیر کو بتایا کہ انتہا پسند تنظیم تحریک لبیک پاکستان (ٹی ایل پی) نے جمعہ کو پاکستان کے شہر حیدرآباد میں مبینہ توہین مذہب کے واقعے پر ایک عمارت کے سامنے احتجاج کیا جہاں ہندو خاندان رہتے ہیں۔ یہی نہیں ان کے گھر میں جبرا داخل ہوکر قتل کرنے کی بھی کوشش کی گئی۔ بعد ازاں اطلاع ملتے ہی پولیس موقع پر پہنچی اور مشتعل ہجوم کو منتشر کرنے کے لیے لاٹھی چارج کیا اور ہندو صفائی ملازم کو گرفتار کر لیا گیا۔

• Earlier, a charged mob gathered around the apartment building to get hold of the Hindu man. Police dispersed the mob and arrested the victim. pic.twitter.com/3j0RHUzzHO

  — Naila Inayat (@nailainayat) August 21, 2022 " class="align-text-top noRightClick twitterSection" data="

  Earlier, a charged mob gathered around the apartment building to get hold of the Hindu man. Police dispersed the mob and arrested the victim. pic.twitter.com/3j0RHUzzHO

  — Naila Inayat (@nailainayat) August 21, 2022

  ">

  Earlier, a charged mob gathered around the apartment building to get hold of the Hindu man. Police dispersed the mob and arrested the victim. pic.twitter.com/3j0RHUzzHO

  — Naila Inayat (@nailainayat) August 21, 2022

حیدرآباد میں ہندو برادری کے ایک رہنما نے نام ظاہر نہ کرنے کی شرط پر بتایا کہ پولیس نے واقعے کی مناسب تحقیقات کیے بغیر اشوک کمار کو گرفتار کرلیا۔ انہوں نے کہا کہ اتوار کو ان کی عمارت کے باہر ٹی ایل پی کارکنان کے احتجاج کے بعد ہندو خاندان خوفزدہ ہیں۔ ایک سینئر پولیس افسر کے مطابق، جمعہ کے روز مذہبی کتاب کے صفحات کو مبینہ طور پر جلا دیا گیا، جس کے بعد ٹی ایل پی کے کارکنان نے حیدرآباد میں احتجاج کیا۔ ملزم کے خلاف توہین مذہب کا مقدمہ درج کرکے اس کی گرفتاری کا مطالبہ کیا گیا۔ پاکستان کے ایک سرکردہ ہندو رہنما روی داوانی نے سندھ حکومت سے معاملے کی شفاف تحقیقات کی اپیل کی ہے۔

ٹی ایل پی کو گزشتہ سال اپریل میں پاکستان میں کالعدم قرار دے دیا گیا تھا جب ٹی ایل پی کی جانب سے فرانس میں گستاخانہ کارٹونوں کی اشاعت کے بعد پاکستان میں پرتشدد مظاہرے ہوئے تھے اور پاکستانی حکومت کو فرانسیسی سفیر کو ملک بدر کرنا پڑا تھا۔سابق وزیراعظم عمران خان نے گزشتہ سال نومبر میں سخت گیر اسلامی گروپوں کے حکومت مخالف مظاہروں کے بعد شدت پسند گروپ کو کالعدم تنظیموں کی فہرست سے نکالنے کی منظوری دی تھی۔

واضح رہے کہ اس سے قبل سیالکوٹ میں توہین مذہب کے الزام میں مشتعل ہجوم نے ایک سری لنکن شہری پریانتھ کمارا کی ماب لنچنگ کرکے اس کی لاش کو نذر آتش کردیا تھا۔