قاہرہ: مصر اور چین مسئلہ فلسطین کا ٹھوس اور جامع حل تلاش کرنے کے لیے مل کر کام کریں گے۔مصر کی وزارت خارجہ نے اتوار کے روز کہا کہ وزیر خارجہ سامح شکری اور ان کے چینی ہم منصب وانگ یی نے مسئلہ فلسطین کا منصفانہ اور جامع حل تلاش کرنے کے مقصد سے اپنے ممالک کی کوششوں میں ہم آہنگی جاری رکھنے پر اتفاق کیا ہے۔ مصری وزارت خارجہ نے ایک بیان میں کہا، "مصر اور چین نے مسئلہ فلسطین کا منصفانہ اور مستقل حل تلاش کرنے کے لیے رابطہ اور ہم آہنگی برقرار رکھنے پر اتفاق کیا۔" وزارت نے مزید کہا کہ دونوں فریقوں نے وانگ کی قیادت میں چینی وفد کے قاہرہ کے دورے کے دوران تحریر پیلس میں ہونے والی میٹنگ میں حماس-اسرائیل تنازعہ پر تبادلہ خیال کیا۔
- — Egypt MFA Spokesperson (@MfaEgypt) January 14, 2024 " class="align-text-top noRightClick twitterSection" data="
— Egypt MFA Spokesperson (@MfaEgypt) January 14, 2024
">— Egypt MFA Spokesperson (@MfaEgypt) January 14, 2024
اسرائیل نے جارحانہ حملے شروع کرکے حماس کے جنگجوؤں کو ختم کرنے اور یرغمالیوں کو بچانے کے بیان کردہ ہدف کے ساتھ فلسطینی علاقے میں زمینی کارروائی جاری رکھی ہے۔ مقامی حکام نے بتایا کہ اسرائیلی حملوں کے نتیجے میں غزہ میں اب تک 23,800 سے زائد افراد ہلاک ہو چکے ہیں۔
مزید پڑھیں:
- اسرائیل حماس جنگ مسلسل 100ویں روز بھی جاری، لڑائی ختم ہونے کے کوئی آثار نہیں
- غزہ میں نقل مکانی کیلئے اسرائیل کے احکامات ممکنہ طور پر جنگی جرم ہے: اقوام متحدہ
24 نومبر کو، قطر نے اسرائیل اور حماس کے درمیان عارضی جنگ بندی اور کچھ قیدیوں اور یرغمالیوں کے تبادلے کے ساتھ ہی غزہ کی پٹی میں انسانی امداد کی ترسیل کے معاہدے کی ثالثی کی تھی۔ جنگ بندی میں کئی بار توسیع کی گئی، مگر یکم دسمبر کو اس کی میعاد ختم ہو گئی اور اسرائیل کی جنگی کارروائی تاحال جاری ہے۔
یہ بھی پڑھیں:
مصر، اردن اور فلسطینی اتھارٹی کے رہنما غزہ جنگ پر تبادلہ خیال کے لیے ملاقات کریں گے
(یو این آئی)
