بیجنگ: چین کے محکمہ موسمیات نے پیر کو شدید بارش کے لیے بلیو الرٹ جاری کیا۔ قومی موسمیاتی مرکز کے مطابق، پیر کی صبح 8 بجے سے منگل کی صبح 8 بجے تک، سیچوان بیسن، چونگ چنگ، گوئژو، یوننان، ہوبی، ہنان، زی جیانگ، فوزیان، جیانگسی، ہیلونگ جیانگ اور تبت کے کچھ حصوں میں تیز بارش یا گرج چمک کی پیش گوئی کی گئی ہے۔ سائنس سینٹر نے کہا کہ ان میں سے کچھ علاقوں میں شدید بارش ہوں گی، بارش 30 ملی میٹر سے 70 ملی میٹر فی گھنٹہ سے زیادہ ہو گی، ساتھ ہی طوفان اور گرج چمک جیسے شدید موسمی حالات بھی ہوں گے۔سنٹرنے مقامی حکومتوں اور رہائشیوں کو مناسب احتیاطی تدابیر اختیار کرنے کا مشورہ دیا ہے۔
اسکولوں اور کنڈرگارٹنز سے کہا گیا ہے کہ وہ طلباء اور بچوں کی حفاظت کو یقینی بنائیں، جبکہ ڈرائیوروں کو سڑک پر پانی جمع ہونے اور ٹریفک جام ہونے کی وجہ سے ہوشیار اور محتاط رہنے کا مشورہ دیا گیا ہے۔ چین میں موسم کی وارننگ کا چار درجے کا نظام ہے، جس میں سرخ رنگ سب سے زیادہ شدید وارننگ ہے، اس کے بعد اورینج، یلو اوربلیو وارننگ ہے۔ وہیں محکمہ موسمیات کے مرکز کے مطابق پانیوں میں کام کرنے والے یا پانی سے گزرنے والے بحری جہازوں کو بندرگاہ پر واپس آنا چاہیے۔ اگر یہ ممکن نہ ہو تو انہیں اپنے آبی راستے تبدیل کرنے کا مشورہ دیا گیا ہے۔
یہ بھی پڑھیں: Landslides in China چین میں لینڈ سلائیڈنگ سے دو افراد ہلاک، سات لاپتہ
یو این آئی
