بدھ کے روز امریکی محکمہ دفاع پنٹاگون کے ترجمان کمانڈر جیسیکا میکنٹری نے کہا کہ "میں اس بات کی تصدیق کرسکتا ہوں کہ عراق کے الاسد ایئر بیس پر آج کے حملے میں دو امریکی فوج کے ارکان معمولی زخمی ہوئے ہیں۔"
عین الاسد ائر بیس پر رواں ہفتے یہ دوسرا راکٹ حملہ ہے۔ پیر کے روز بھی ہوائی اڈے پر تین راکٹ فائر کیے گئے تھے لیکن اس میں کسی جان و مال کا کوئی نقصان نہیں ہوا۔
اس سے قبل بدھ کے روز آپریشن انہرینٹ ریزالو کے ترجمان کرنل وین ماروٹو نے کہا تھا کہ ہوائی اڈے پر 14 راکٹ فائر کیے گئے، جس میں دو اہلکار معمولی زخمی ہوگئے۔
پنٹاگون نے 27 جون کو کہا تھا کہ امریکی لڑاکا طیاروں نے عراق میں امریکی مفادات کے خلاف حملوں کے جواب میں شام کے عراقی سرحدی علاقے میں ایرانی حمایت یافتہ عسکریت پسندوں (قطائی حزب اللہ اور قائد سید الشھادہ) کے اہداف کو نشانہ بنایا۔
یو این آئی
