یمن کی فوجیوں کے ساتھ تصادم میں 12 حوثی باغی ہلاک

یمن فوجیوں کے ساتھ ہوئے تصادم میں 12 حوثی باغیوں کی ہلاکت اور متعدد لوگوں کے زخمی ہونے کی تصدیق

عدن: یمن کے الحدیدہ میں فوج کے ساتھ ہوئے تصادم میں حوثی گروپ کے کم از کم 12 افراد ہلاک ہوگئے۔ یہ اطلاع آرمی آفیسر نے دی ہے۔

فوجی ذرائع نے بتایا کہ ضلع التحیتا میں حوثی باغی فوج کے خلاف بڑے پیمانے پر حملے کی تیاری کر رہے تھے۔ فوجیوں نے حوثی باغیوں کا مقابلہ کیا اور انہیں شکست دی۔

انہوں نے اس تصادم میں 12 حوثی باغیوں کی ہلاکت اور متعدد لوگوں کے زخمی ہونے کی تصدیق کی ہے۔ ذرائع نے بتایا کہ تصادم کے دوران حوثی سے تعلق رکھنے والی دو گاڑیوں کو بھی تباہ کردیا گیا ہے۔