ترکی کے صدر رجب طیب اردوغان نے کہا ہے کہ ترکی کو 2023 سے بحیرہ اسود کے علاقوں سے قدرتی گیس کی پیداوار شروع کرنے کی توقع ہے۔
اردوغان نے کہا کہ ’’2023 سے بحیرہ اسود میں گیس کی پیداوار کا پہلا مرحلہ شروع کرنے کے لئے وسیع پیمانے پر کوشش کی جارہی ہے۔ سیاست اور معیشت کے لحاظ سے خطے کے سب سے طاقتور ملک ترکی سے جو لوگ دوستی کریں گے، وہ ہمیشہ منافع کمائیں گے۔'' انہوں نے کہا کہ بحیرہ اسود میں گیس کی پیداوار شروع ہونے سے ترکی کی اپنی بیرونی فراہمی پر انحصاریت کم ہوجائے گی۔
یہ بھی پڑھیں: رکی اب ایک علاقائی طاقت بن چکا ہے
اردوغان نے جون کے آغاز میں کہا تھا کہ ترکی نے بحیرہ اسود میں 135 ارب کیوبک میٹر سے زیادہ گیس کے ذخیرہ کے ساتھ ایک نیا گیس کا علاقہ تلاش کیا ہے۔ ان کے مطابق بحیرہ اسود پٹی پر گیس کا کل ذخیرہ تقریباً 500 ارب کیوبک میٹر ہے۔
