ترکی میں کرونا وائرس سے پہلی موت

ترکی میں کورونا وائرس سے پہلی موت کی اطلاعات ہیں، جبکہ متاثرہ مریضوں کی تعداد 98 تک پہنچ گئی ہے۔

ترکی کے وزیر صحت نے پریس کانفرنس میں بتایا کہ مرنے والے شخص کی عمر 89 سال تھی جس کو کورونا وائرس چین میں کسی شخص سے ملاقات کے دوران منتقل ہوا۔

ترک وزیر صحت نے صرف منگل کے روز کورونا کے 51 نئے مریضوں کی تصدیق بھی کی۔

دوسری جانب حکام نے ملک میں ایمرجنسی کے نفاذ سمیت کرفیو اور سفری پابندیوں کی افواہوں کی تردید بھی کی ہے۔

واضح رہے کہ چین کے صوبہ ہبوئی کے دارالحکومت ووہان سے پھیلنے والا جان لیوا کورونا وائرس کی زد میں اب تک دنیا کے 150 سے زائد ملک آ چکے ہیں۔