اسرائیلی وزیر اعظم بنیامین نتن یاہو نے ایران پر لگائے گئے اقتصادی پابندی کی وکالت کرے ہوئے کہا کہ امریکہ کی جانب سے ایران پر لگائی گئی پابندی کا اثر محسوس ہو رہا ہے۔
انہوں نے کہا کہ ایران پر پابندی کا اثر ہو رہا ہے لیکن ایران پر مزید دباو بنانے کی ضرورت ہے۔
انہوں نے امریکی وزیر برائے توانائی رک پیری کے ساتھ مشترکہ پریس کانفرنس کو خطاب کرتے ہوئے کہا کہ ایران کے نیو کلیائی ہتھیار کے منصوبے کو ختم کرنے کے لیے اگر تین چیزوں کی ضرورت ہے تو وہ تینوں چیزیں 'دباو' 'دباو' اور 'زیادہ دباو' ہیں۔
تین یاہو نے مزید کہا کہ ایران کی جانب سے عراق، سیریا، لبنان اور غزہ میں استعمال ہونے والے فنڈز میں کمی آ رہی ہے۔ اس سے صاف ظاہر ہے کہ ایران پر لگائی گئی پابندی کا اثر ہو رہا ہے۔
در اصل ایران پر الزام ہے کہ وہ نیوکلیائی مادے کا استعمال نیوکلیائی ہتھار بنانے میں استعمال کر رہا ہے۔ تاہم ایران کی جانب سے اس الزام کی مسلسل تردید کی جاتی رہی ہے۔
اسی الزام کے مد نظر امریکی حکومت نے ایران پر اقتصادی پابندی عائد کر کے ایران کو معاشی طور پر کمزور کرنے کی طرف اقدام کیا ہے۔ لیکن ایران اس اقتصادی پابندی کے باوجود امریکی حکومت کے سامنے جھکنے کے لیے تیار نہیں ہے۔
