لبنان کی شیعہ ملیشیا حزب اللہ کے سابق عہدہ دار علی حاطوم دارالحکومت بیروت کے جنوب میں واقع اپنے اپارٹمنٹ میں مردہ پائے گئے ہیں۔
لبنان کی سرکاری خبررساں ایجنسی این این اے کے مطابق سکیورٹی فورسز نے ان کی موت کی تصدیق کی ہے اور جانچ شروع کردی ہے۔
حزب اللہ اور اسرائیلی فوج کے درمیان گذشتہ اتوار کو سرحد پر فائرنگ کا سخت تبادلہ ہوا تھا۔اس سے پہلے بیروت کے جنوب میں حزب اللہ کے کنٹرول والے علاقے پر اسرائیل نے ڈرون حملہ کیا تھا۔اس نے دوڈرون بھیجے تھے۔ان میں ایک ویسے ہی گرگیا تھا اور دوسرے کے دھماکے سے حزب اللہ کے میڈیا کی تنصیبات کونقصان پہنچا تھا۔
حزب اللہ نے اسرائیل پر اس ڈرون حملے کا الزام عاید کیا تھا۔اس کے رہنما حسن نصراللہ نے خبردار کیا تھا کہ یہ حملہ اسرائیل کے (لبنان میں ) قتل کے لیےحملوں کا پیش خیمہ ثابت ہوسکتا ہے۔
