سعودی عرب اور امریکی رہنماؤں سے رابطہ کا منصوبہ نہیں: روس

روس نے کہا ہے کہ فی الحال صدر ولادیمیر پوتن کا سعودی عرب اور امریکہ کے رہنماؤں سے رابطے کا کوئی منصوبہ نہیں ہے۔

روسی صدارتی ترجمان دمتری پیسکوف نے اطلاع دیتے ہوئے کہا ہے کہ فی الحال صدر ولادیمیر پوتن کا سعودی عرب اور امریکہ کے رہنماؤں سے رابطے کا کوئی منصوبہ نہیں ہے۔

انہوں نے کہا کہ 'گذشتہ ایک ہفتہ سے سعودی عرب کے ولی عہد کے ساتھ کوئی بات چیت نہیں ہوئی ہے اور ابھی تک بات چیت کا کوئی منصوبہ نہیں ہے'۔

انہوں نے بتایا کہ پٹرولیم برآمد کرنے والے ممالک کے علاوہ تیل کی پیداوار کے معاملے پر مسٹر پوتن اور سعودی عرب کے ولی عہد شہزادہ محمد بن سلمان کے درمیان ٹیلیفونک گفتگو ہوئی تھی۔ اس دوران، دونوں رہنماؤں نے توانائی مارکیٹ کو مستحکم رکھنے کا عہد کیا تھا۔

مسٹر پیسکوف نے کہا کہ 'آپ کو معلوم ہے کہ روس اور سعودی عرب اس شعبے میں موثر تعاون کر رہے ہیں اور اس مسئلے پر مستقل بات چیت کر رہے ہیں'۔

یو این آئی