آئرلینڈ کے دیہی علاقوں میں شوہر یا بیوی کی تلاش ایک طویل عرصے سے چیلینج کے طور پر دیکھا جا رہا تھا۔
بڑے پیمانے پر نقل مکانی کے سبب درپیش مسائل کے حل کے لیے مغربی آئرلینڈ کے ایک قصبے کلیئر کاونٹی میں ہر برس ستمبر ماہ میں ایک روایتی فیسٹیول'میچ میکنگ' کا انعقاد کیا جاتا ہے۔
ڈیلی ویلی نے بتایا کہ یہ ایک میچ میکنگ فیسٹیول ہے۔ یہ پیار کا تہوار ہے۔ یہاں غیر ضروری باتیں کرنا اپنا وقت ضائع کرنا ہے۔ یہاں وقت بہت قیمتی ہے۔ اچھا ماحول، شاندار میوزک ہوتا ہے۔ یہاں بیشتر افراد اپنے دل کے اظہار کے لیے آتے ہیں۔
ان کا مزید کہنا ہے کہ اس موقع پر محبت کے خوہشمند اور شادی کے خواہاں خواتین اور مرد کو ان کے جوڑے فراہم کرائے جاتے ہیں۔
وزٹر خاتون سیسلی لالر کا کہنا ہے کہ یہ ایک انوکھا ماحول ہے۔ اور جب یہاں لوگوں کو ہجوم ہوتا ہے تو واقعی میں بہت شاندار ماحول لگتا ہے۔
سیسلی کے شوہر البرٹ نے جوڑے کا ذکر کرتے ہوئے کہا کہ ایک مرد اور خاتون نے شادی نہیں کی لیکن وہ لوگ پارٹنر کے طور پر رہتے تھے۔ وہ الگ کمرے میں سوتے تھے یا نہیں یہ ان کا ذاتی معاملہ ہے۔ لیکن وہ انہیں میاں بیوی سمجھتے تھے۔ ان سے بات کرنے پر انہوں نے بتایا کہ انہوں نے کبھی شادی نہیں کی ہم محض دوست ہیں۔
اس فیسٹول کا مقصد یہاں آنے والے مرد اور خواتین کو ایک دوسرے کے ساتھ وقت گزارنے کے ساتھ ایک دوسرے کو سمجھنے اور پسند کرنے کا موقع مل سکے۔
یہاں آئرلینڈ کے ہر کونے سے آنے کے ساتھ فرانس، جرمنی، برطانیہ اور امریکہ سے لوگوں کی ایک بڑی تعداد اس فیسٹیول میں شرکت کرتی ہے۔
تقریبا 16 سو افراد پر مشتمل آبادی والے اس علاقے میں رواں برس 40 ہزار مرد اور خواتین کے شرکت کی امید ہے۔ فیسٹیول کا اختتام آئندہ 6 اکتوبر کو ہو گا۔
غور طلب ہے کہ ویلی ڈیلی آئرلینڈ کے ایک ایسے روایتی میچ میکر ہیں، جنہوں نے اپنے 50 سالہ زندگی میں 3 ہزار جوڑے یعنی 6 ہزار افراد کو ان کے پیار حاصل کرنے میں مدد کی ہے۔
