ورلڈ بینک کے صدر ڈیوڈ مالپاس نے بدھ کے روز کہا کہ کووڈ 19 وبا سے متاثر بھارتی معیشت اب بحران سے نکلنے کی حالت میں ہے اور عالمی بینک اس کا خیر مقدم کرتا ہے۔
مالپاس نے یہ بھی کہا کہ بھارت کو زیادہ لوگوں کو منظم شعبے کی معیشت میں ضم کرنے اور لوگوں کی آمدنی بڑھانے کے بڑے چیلنجز کا سامنا ہے۔ بھارت نے اس سمت میں کچھ پیش رفت کی ہے لیکن یہ کافی نہیں ہے۔
مالپاس نے یہاں نامہ نگاروں کو بتایا کہ 'کووڈ کی لہر کی وجہ سے بھاتی باشندوں کو بہت زیادہ نقصان اٹھانا پڑا ہے اور یہ بدقسمتی کی بات ہے۔ بھارت نے ویکسین کے پروڈکشن کے ساتھ کووڈ 19 وبا سے نمٹنے کی کوشش کی ہے اور حفاظتی ٹیکوں کی کوششوں میں پیش رفت ہوئی ہے لیکن ہمیں یہ معلوم کرنا ہوگا کہ اس کا بھارتی معیشت اور خاص طور پر غیر منظم شعبے پر کیا اثر پڑا ہے۔ پچھلے ہفتے ورلڈ بینک نے بھارتی معیشت میں رواں سال 8.3 فیصد کی شرح سے اضافے کی پیش گوئی کی تھی۔
یہ بھی پڑھیں: کورونا وائرس کی دوسری لہر سے بھارتی معیشت کو شدید نقصان
ایک سوال کے جواب میں مالپاس نے کہا کہ 'بھارتی معیشت بہتر ہو رہی ہے اور ہم اس کا خیر مقدم کرتے ہیں۔ اس نے کووڈ کی تازہ ترین لہر پر قابو پا لیا ہے۔ یہ ایک اچھی بات ہے لیکن بھارت دیگر ممالک کی طرح اب سپلائی چین میں خلل اور دنیا میں بڑھتی ہوئی مہنگائی سے متاثر ہو رہا ہے۔
