سوشل نیٹ ورکنگ سائٹ فیس بک نے اپنی ملکیت میں چلنے والی سوشل نیٹ ورکنگ سروس انسٹاگرام سے 530 اکاؤنٹس کو حذف کردیا ہے جو روس کے حزب اختلاف کے رہنما الیکسی ناوالنی کی حمایت میں کیے گئے احتجاج کی کوریج سے منسلک تھے۔
فیس بک نے کہا کہ 'ہم نے انسٹاگرام سے ایسے 530 اکاؤنٹس کو حذف کر دیئے ہیں جو روس کے انسداد بدعنوانی کے کارکن اور حزب اختلاف کے رہنما الیکسی ناوالنی کی حمایت میں احتجاج کی کوریج سے منسلک تھے'۔ کمپنی نے کہا کہ 'ہم نے ایسے بیشتر اکاؤنٹس کی نشاندہی کی ہے اور اسے ہٹا دیا ہے'۔
یہ بھی پڑھیں: جرمنی: آٹھ مارچ سے کورونا سے متعلق پابندیوں میں نرمی کا اعلان
الیکسی ناوالنی کی حمایت میں روس کے مختلف شہروں میں مظاہرے 23 جنوری کو شروع ہوئے تھے اور 31 جنوری تک جاری رہے۔ اس کے علاوہ 2 فروری کو ماسکو میں بھی متعلقہ ریلیاں نکالی گئیں۔
یو این آئی
