شمالی برطانیہ کے مختلف شہروں میں گزشتہ روز ہونے والی طوفانی بارش کے بعد سیلاب نے تباہی مچادی ہے۔ شدید بارشوں اور سیلاب سے ہونے والے نقصان کا جائزہ لینے کے لئے برطانیہ کے وزیراعظم بورس جانسن نے متاثرہ علاقوں کا دورہ کیا۔ بورس جانسن نے انتظامیہ کی جانب سے چلائی جارہی صفائی مہم میں بھی حصہ لیا۔
رپورٹس کے مطابق شمالی برطانیہ میں بارش اور سیلابی ریلے کی وجہ سے کئی گاڑیاں پھنس گئیں ہیں جبکہ سڑکوں اور متعدد عمارتوں کو بھی نقصان پہنچا ہے۔
اطلاعات کے مطابق خراب موسمی صورتحال کے باعث پروازیں اور ٹرینوں کی آمدورفت بھی تاخیر ہوئی ہے۔
ادھر برطانوی محکمہ موسمیات کی جانب سے دوبارہ سیلاب کی وارننگ جاری کردی گئی ہے۔ وہیں کسی بھی ہنگامی صورتحال سے نمٹنے کے لئے انتظامیہ نے کئی مقامات پر ایمرجنسی نافذ کردی ہے اور راحت کا کام جاری ہے۔
