افغانستان کے دارالحکومت کابل کے مختلف علاقوں میں متعدد دھماکوں کی آوازیں سنی گئیں۔ مقامی میڈیا کے مطابق دس سے زیادہ راکٹ فائر کئے گئے۔
راکٹ سے کئے گئے حملوں میں 8 افراد ہلاک اور 31 دیگر زخمی ہوگئے۔ یہ اطلاع ون ٹی وی نیوز براڈکاسٹر نے افغان وزارت صحت کے حوالے سے دی ہے۔
پہلے یہ رپورٹ آئی تھی کہ سینٹرل کابل کے مختلف علاقوں میں چودہ راکٹ سے کئےگئے حملوں میں تین شہری اور گیارہ دیگر لوگ زخمی ہوئے ہیں۔ براڈ کاسٹر کے مطابق طالبان نے کہا ہے کہ وہ اس واقعہ میں ملوث نہیں ہے۔
اس سے قبل طلوع نیوز براڈکاسٹر نے مقامی پولیس کے حوالے سے اطلاع دی تھی کہ ارزان قیمات علاقے میں دھماکے کے نتیجے میں افغان سکیورٹی فورسز کا ایک رکن ہلاک اور تین دیگر زخمی ہوئے تھے۔
