افغانستان کے دارالحکومت کابل میں ناروے ایمبیسی پر طالبان نے قبضہ کر لیا ہے اور وہاں رکھی وائن کی بوتلیں اور کتابوں کو تلف کر دیا ہے۔ ناروے کے سفیر سگوالڈ ہیگ نے یہ اطلاع دی ہے۔
سفیر نے طالبان کے ایمبیسی میں داخل ہونے کے بعد کی تصاویر پوسٹ کرتے ہوئے ایک ٹویٹ کیا، ’طالبان نے اب کابل میں ناروے ایمبیسی کو اپنے قبضے میں لیا ہے اور یہ کہا کہ وہ اسے بعد میں ہمارے حوالے کر دیں گے۔ پہلے انہوں نے وہاں رکھی وائن کی بوتلوں کو تلف کر دیا اور پھر بچوں کی کتابوں کو پھاڑ دیا۔
ناروے کے سب سے بڑے اخبار ’افتنپوسٹن‘ نے اس تصویر کو شیئر کیا ہے جس میں بڑی بڑی داڑھی والے طالبان، بچوں کی کتابوں کو پھاڑنے کی کوشش کر رہے ہیں۔ اس میں کہا گیا ہے کہ کم از کم 56 طالبان اس چھوٹے سے ایمبیسی میں داخل ہو گئے تھے۔
یہ بھی پڑھیں: کابل ایئرپورٹ سے بین القوامی پروازوں کے آغاز کا اعلان
غور طلب ہے کہ طالبان نے اس سے پہلے ملک میں موسیقی آلات اور کیسیٹ ٹیپ کو تلف کر دیا تھا اور جو لوگ موسیقی کے شعبے سے وابستہ ہیں، ان کے ساتھ کافی ظلم و زیادتی کی تھی۔ طالبان کے اقتدار میں آنے کے بعد سے اب افغانی ٹی وی اور ریڈیو اسٹیشن پر محض اسلامی نغمے ہی بجائے جا رہے ہیں۔
(یو این آئی)
