افغانستان کے دارالحکومت کابل میں بش مارکیٹ کا نام بدل کر مجاہدین بازار رکھ دیا گیا ہے۔ بش مارکیٹ وہاں تعینات امریکی فوجیوں کو فوجی کپڑے، جوتے، الیکٹرانکس، جمپرز، پروٹین فروخت کرنے کے لیے جانا جاتا ہے۔ اس بازار کو امریکی صدر کے نام پر رکھا گیا تھا۔
خامہ پریس ایجنسی نے بتایا کہ یہ ابھی بھی واضح نہیں ہوا ہے کہ دکانداروں کو کسی نے نام تبدیل کرنے کا حکم دیا یا انہوں نے خود ہی بازار کا نام تبدیل کیا ہے۔ لیکن وہاں سے جاری ہونے والی تصاویر میں بازار میں نئے بورڈ کولٹکاتے ہوئے دیکھا گیا ہے۔
طالبان نے کئی دیگر اہم مقامات جیسے حامد کرزئی ہوائی اڈے کو کابل ہوائی اڈا، برہان الدین ربانی یونیورسٹی کو کابل ایجوکیشنل یونیورسٹی اور مسعود اسکوائر کو کابل پبلک ہیلتھ چوک میں تبدیل کردیا ہے۔
یہ بھی پڑھیں: افغان لائبریرین خواتین کے لیے لائبریری کی بحالی کی منتظر
امریکی اور نیٹو افواج کے انخلا کے بعد ملک پر طالبان نے مکمل کیا اور اپنی حکومت کا اعلان کیا، حالانکہ طالبان نے 90 کی دہائی کی بات کو سرے سے انکار کرتے ہوئے کہا کہ خواتین کے حقوق کا تحفظ کیا جائے گا اور عام معافی کا بھی اعلان کیا لیکن بہت سارے لوگ ابھی بھی خوف ذدہ ہیں خصوصی طور پر خواتین کے حقوق کے متعلق خدشات کا اظہار کیا جارہا ہے۔
یو این آئی
