فلپائن کے صدراتی ترجمان ہیری روک نے کہا ہے کہ روس کے ذریعہ تیار کیے گئے کورونا ویکسین کے تیسرے مرحلے کا کلینکل ٹرائل، فلپائن میں اکتوبر سے مارچ تک کیا جائے گا۔
انہوں نے فلپائن کے روزنامہ اخبار 'انکوائرر' کا حوالہ دیتے ہوئے کہا کہ روسی حکومت ٹرائل سے متعلق فنڈ مہیا کرائے گی، تاکہ اس کی کارکردگی اور حفاظت کی جانچ کے لئے ہزاروں مریضوں کو ویکسین دیا جا سکے۔
ہیری روک نے کہا کہ تیسرے مرحلے کا کلینکل ٹرائل روس اور فلپائن میں ایک ہی مدت میں کیا جائے گا۔
روس پہلا ایسا ملک بن گیا ہے، جس نے کورونا ویکسین کو تیار کرنے کا دعوی کیا ہے۔ روسی صدر نے اپنی بیٹی پر ویکسین کے استعمال کیے جانے کی بھی بات کہی تھی۔
