پاکستانی فلاحی ادارے اور رضاکار ماہ رمضان میں غریبوں کو کھانے پینے کا سامان فراہم کررہے ہیں۔
رضاکاروں میں سے ایک حاتم ذوالفقار کا کہنا ہے 'ہم رمضان کے مہینے میں اپنی جماعت میں کھانے پینے کی چیزیں یکساں طور پر تقسیم کررہے ہیں لیکن گھروں میں افراد کے مطابق سامان کی مقدار مختلف ہوتی ہے'۔
خیال رہے کہ رواں ہفتے کے اواخر میں رمضان المبارک کا آغاز چاند کے ساتھ ہونے والا ہے۔ اسی صورت میں دنیا بھر کے مسلمان کورونا وائرس کو مزید پھیلائے بغیر اسلام کے مقدس ترین مہینے کی رسومات کو برقرار رکھنے کی کوشش کر رہے ہیں۔
زکوۃ، صدقات اور خیرات کا مقصد حاجت مندوں کی حاجت کی تکمیل کرنا ہے۔ لیکن موجودہ حالات میں غریبوں کے لیے ایک بڑا چیلنج در پیش ہے۔ اس لیے اس موقع پر مذکورہ امور کی اہمیت میں مزید اضافہ ہو جاتا ہے۔
بائٹ
واضح رہے کہ اسلام میں ہر برس رمضان کے مہینے کا روزہ ہر بالغ مسلمان پر فرض ہے۔ روزے کی حالت میں طلوع فجر کے بعد سے غروب آفتاب تک کھانا، پینا اور بیوی سے جماع کرنا حرام قرار دیا گیا ہے۔
طلوع فجر سے قبل کھانے پینے کو سحری کہتے ہیں اور غروب آفتاب کے بعد کھانے پینے کو افطار کہتے ہیں۔ روزہ رکھنے والوں کو دونوں کا حکم دیا گیا ہے۔
عشا کی نماز کے وقت تراویح کا اہتمام کیا جاتا ہے۔ اس ماہ میں خیر و برکت اور ثواب کی کثرت کی وجہ سے صدقات و خیرات اور زکوۃ دینا عام طور پر دیکھا جاتا ہے۔
