امریکی صدارتی انتخابی مہم سے متعلق مائیکروسافٹ کا حیرنت انگیز دعوی

امریکی صدارتی انتخاب پر دنیا بھر کی نظر رہتی ہے اور اس انتخاب میں کامیاب ہونے والے امیدوار سے ممالک کے مفاد وابستہ ہوتے ہیں۔ یہی وجہ ہے کہ اس انتخاب میں کسی طرح کی بدعنوانی اور ممکنہ دھاندھلی کے خطرات کو ٹیک کپنی مائیکرو سافٹ نے ظاہر کر کے دنیا کی توجہ مرکوز کر لی ہے۔

امریکی ٹیک کمپنی مائیکرو سافٹ نے کہا ہے کہ روس، چین اور ایران کے سائبر حملہ آور ملک میں صدارتی انتخابی مہموں میں شامل لوگوں اور تنظیموں کو نشانہ بنا رہے ہیں۔

کمپنی نے اپنے بلاگ میں لکھا کہ حالیہ ہفتوں میں مائیکرو سافٹ نے ایک سائبر حملے کا پتہ لگایا ہے، جس میں صدر ڈونلڈ ٹرمپ اور اپوزیشن رہنما جو بائڈن پر ناکام حملے سمیت آئندہ صدارتی انتخابات میں ان دونوں رہنماوں کی مہمات میں شامل لوگوں اور تنظیموں کو نشانہ بنایا گیا ہے۔

انہوں نے کہا کہ 'اس طرح کے حملے غیر متوقع نہیں تھے۔ ہم آج جس سرگرمی کا اعلان کر رہے ہیں اس سے ظاہر ہوتا ہے کہ غیر ملکی جماعتوں نے 2020 کے انتخابات کو نشانہ بنانے کی کوششیں تیز کردی ہیں، جیسا کہ یہ پہلے ہی سے معلوم تھا'۔

مائیکرو سافٹ نے حملہ آوروں کی شناخت ہیکر گروپوں اسنٹرونشیم زرکونیم اور فاسفورس کے طور پر کی ہے، جو بالترتیب روس، چین اور ایران سے کام کرتے ہیں۔