نیپال میں تودہ گرنے سے آٹھ ہلاک، ایک لاپتہ

مغربی نیپال میں تودہ گرنے سے ملبے میں دو گھروں کے زمین دوز ہوجانے سے آٹھ لوگوں کی موت ہوگئی اور ایک ابھی بھی لاپتہ ہے۔

پولیس سب انسپکٹر بشراج ادھیکاری نے بتایا کہ پربت ضلع کے کوشما میونسپلٹی کے دورلنگ۔3 میں سنیچر کو تودہ گرنے سے نو افراد تودہ کے ملبے کے نیچے دب گئے۔ جن میں سے آٹھ لوگوں کی موت ہوگئی اور ایک ابھی بھی لاپتہ ہے۔

بشراج ادھیکاری نے بتایا کہ تودہ کے ملبے میں دوگھر زمین دوز ہوگئے۔ سنیچر کو بچاؤ ٹیم نے ملبے سے تین لاشوں کو باہر نکالا جبکہ باقی پانچ لاشوں کو آج برآمد کیا گیا۔ تودہ کی زد میں ٓائے دونوں گھروں میں چھ اور تین لوگ رہتے تھے۔

انہوں نے بتایا کہ تودہ گرنے کی وجہ سے دونوں گھر پوری طرح ملبے میں دب گئے۔ زبردست بارش کی وجہ سے یہ واقعہ کل مقامی وقت کے مطابق رات نو بجے پیش آیا۔

کوشما میونسپلٹی کے میئر رام چندرجوشی نے آج بتایا کہ ’’نیپالی فوج اور مسلح پولس فورس اور ریڈ کراس کی ٹیمیں جائے واقع پر بچاؤ مہم میں لگی ہوئی ہیں'۔