ایرانی وزارت خارجہ کے ترجمان عباس موسوی نے پیر کے روز امریکی مظاہرین کے ساتھ اظہار یکجہتی کرتے ہوئے امریکی حکومت پر اندرون اور بیرون ملک میں تشدد کرنے کا الزام عائد کیا۔
ویڈیو
عباس موسوی نے میڈیا بریفنگ میں انگریزی میں ایک بیان پڑھتے ہوئے کہا کہ مظاہرین کو اندھا دھند تشدد کا نشانہ بناتے دیکھ کر ایران کو انتہائی تکلیف ہوئی ہے۔
موسوی نے امریکی حکومت کو مخاطب کرتے ہوئے کہا کہ اپنے لوگوں کے خلاف تشدد بند کرو اور انہیں سانس لینے دو۔
خیال رہے کہ گذشتہ 25 مئی کی شب 46 سالہ ایک سیاہ فام امریکی شہری جارج فلائیڈ کو ریاست مینی سوٹا میں ایک پولیس اہلکار نے گلا گھونٹ کر قتل کر دیا تھا، جس کے بعد سے ہی پورے امریکہ میں احتجاج کا سلسلہ شروع ہو گیا اور تا حال جاری ہے۔
