چین میں کورونا سے متاثر 11 مریض اسپتال سے فارغ

چین میں کورونا وائرس سے متاثر 11 افراد (کوویڈ ۔19) صحت یاب ہونے کے بعد اسپتال سے فارغ کردیئے گئے ہیں۔

منگل کے روز چین کے نیشنل ہیلتھ کمیشن نے یہ اطلاع دی۔ کمیشن نے کہا کہ اس وقت ملک کے مختلف اسپتالوں میں 142 مریض زیر علاج ہیں جن میں سے ایک کی حالت تشویشناک ہے۔

ہیلتھ کمیشن کے مطابق اب تک چین میں 80426 مریض اس وبا سے شفایاب ہوئے ہیں جبکہ اب تک 85202 افراد اس جان لیوا وائرس سے متاثر اور 4634 افراد ہلاک ہوچکے ہیں۔