چین میں کورونا وائرس سےمزید 29 افراد کی موت

چینی ہیلتھ اتھارٹی نے جمعرات کو کہا کہ 31 صوبوں میں کورونا وائرس سے بدھ کو 29 مزید افراد کی موت ہوئی ہے۔

چینی ہیلتھ اتھارٹی نے کہا کہ 31 صوبوں میں کورونا وائرس سے بدھ کو 29 افراد مزید ہلاک ہوئے ہیں اور متاثرین کے 433 نئے معاملے کی تصدیق کی رپورٹ ملی ہے۔

قومی ہیلتھ کمیشن کے مطابق صوبہ ہبوئی میں 26 اور بیجنگ، ہئی لونگ ژیانگ اور ہینن میں ایک ایک شخص کی موت ہوئی ہے۔

واضح رہے کہ دنیا بھر میں کورونا وائرس کے مریضوں کی تعداد 81 ہزار 294 ہوگئی، جبکہ اس وائرس سے اب تک 2 ہزار 770 اموات ہو چکی ہیں۔چین میں 22 ہزار 888 جبکہ دیگر ملکوں میں 6000 مریضوں نے کورونا وائرس کو شکست دے دی ہے۔