خبر رساں ایجنسی اے این آئی اے کے مطابق طالبان کی جانب سے بدھ کے روز جاری کردہ بیان میں کہا گیا ہے کہ صوبے باگھلان میں فصائی حملہ کیا گیا جس کے نتیجے میں مذہبی اسکول میں دس افراد ہلاک ہو گئے ہیں۔
بیان میں کہا گیا ہے کہ فائٹر جٹ کی مدد سے گزشتہ شب باگھلان صوبے کے بیکذاڈو علاقے میں ایک اسکول کو نشانہ بنایا گیا۔
ایجنسی کے مطابق وزرات دفاع کی جانب سے اس حملے پر کسی طرح کا بیان سامنے نہیں آیا ہے۔
واضح رہے کہ تین روز قبل شمالی قندوز صوبے میں فضائیہ نے جنگجوؤں کے ٹھکانوں پر حملہ کیا تھا جس میں کم از کم 10 جنگجو مارے گئے اور دیگر پانچ زخمی ہوگئے۔
اس حملے کے بعد ڈپٹی ڈسٹرکٹ ہیڈ قدرت اللہ صفی نے ایک بیان میں کہا تھا کہ خان آباد ضلع میں پچھلے کچھ دنوں سے سلامتی دستوں اور طالبانی جنگجوؤں کے درمیان جدوجہد جاری ہے۔ طالبانی جنگجوؤں نے ضلع کے دوکان آدم خان علاقے میں ہفتے کو کئی سلامتی چوکیوں کو اپنے قبضے میں لےلیا۔لیکن ملک کی فضائیہ نے آج صبح جنگجوؤں کے ٹھکانوں کو نشانہ بنایا جس میں کم از کم دس جنگجو مارے گئے اور پانچ دیگر زخمی ہوگئے ہیں۔
