کوالالمپور: ملائیشیا میں گزشتہ 24 گھنٹوں کے دوران کورونا وائرس (کووڈ-19) کی وبا کے 3543 نئے معاملوں کی تصدیق کے ساتھ ملک میں متاثرین کی تعداد بڑھ کر 2776699 ہو گئی ہے۔ وزارت صحت نے جمعہ کو یہ اطلاع دی۔
وزارت نے کہا کہ کورونا سے متاثرہ نئے کیسز میں سے 364 کیسز بیرون ملک سے آنے والے مسافروں کے ہیں، جب کہ 3179 افراد مقامی لوگوں کے رابطے میں آنے سے متاثر ہوئے ہیں۔ اس عرصے میں مہلک وائرس کے انفیکشن سے مزید 19 مریضوں کی موت کے بعد اموات کی تعداد بڑھ کر 31628 ہو گئی ہے۔ اس کے علاوہ 3484 مریض صحت یاب ہونے سے اس وبا سے نجات پانے والوں کی تعداد 2705292 ہو گئی ہے۔
مزید پڑھیں:
انہوں نے کہا کہ ملک میں اس وقت کورونا کے 39 ہزار 779 ایکٹو کیسز ہیں جن میں سے 253 انتہائی نگہداشت کے یونٹ میں زیر علاج ہیں اور 130 مریضوں کو سانس لینے میں دشواری کے باعث آکسیجن سپورٹ پر رکھا گیا ہے۔
(یو این آئی)
