کالعدم تنظیم لشکر طیبہ کے اعلی کمانڈر اور 26/11 کے ممبئی دہشت گردانہ حملے کے اہم سازش کار ذکی الرحمن لکھوی کو گرفتاری کے ایک ہفتے بعد ہی پاکستانی عدالت نے 15 برس قید کی سزا سنائی ہے۔
واضح رہے کہ دہشت گرد تنظیم لشکر طیبہ کے آپریشنس کمانڈر لکھوی کو ممبئی حملوں کے بعد سنہ 2008 میں یو این ایس سی کی تجویز کے تحت اقوام متحدہ کے ذریعہ عالمی دہشت گرد کے طور پر نامزد کیا گیا تھا۔
یہ بھی پڑھیں: کیپیٹل ہل پولیس کے سربراہ نے استعفیٰ دیا
اس حملے میں پاکستان کے دہشت گرد تنظیم لشکر کے بھاری ہتھیاروں سے لیس 10 دہشت گردوں نے شہر میں اندھا دھند گولی باری کی تھی۔ اس حملے میں 166 لوگوں کی موت ہوگئی تھی، جبکہ 300 سے زیادہ لوگ زخمی ہوگئے تھے۔ تقریباً 6 برس حراست میں رہنے کے بعد اپریل سنہ 2015 میں لشکر کے آپریشن کمانڈر ذکی الرحمٰن لکھوی کو پاکستان کی جیل سے رہا کر دیا گیا تھا۔
گذشتہ ہفتے پاکستانی سلامتی کے اہلکاروں نے دہشت گردی کے لیے مالی معاونت کے سلسلے میں سابق لشکر طیبہ کے اہم رہنما ذکی الرحمان لکھوی کو گرفتار کیا تھا اور ایک ہفتے بعد پاکستانی عدالت نے 15 برس قید کی سزا سنائی ہے۔
