چین میں کورونا کے 12 نئے کیسز

چین میں کورونا وائرس (کووڈ ۔19) کے 12 نئے معاملات درج کئے گئے ہیں جن میں سے چھ کیس بیرون ملک سے آئے لوگوں سے منسلک ہیں۔

یہ معلومات نیشنل ہیلتھ کمیشن نے دی ہے۔ ہیلتھ کمیشن کے مطابق چھ نئے کیسز مقامی سطح پرانفیکشن سے ہیں، جن میں پانچ معاملےہیلونگ جیانگ صوبے میں اور ایک معاملہ مونگولیا خود مختار علاقے میں سامنے آیا ہے۔

تین مشتبہ کیسز بیرون ملک سے آئے لوگوں کے ہیں اور یہ سبھی معاملے شنگھائی میں پائے گئے ہیں۔ہیلتھ کمیشن کے مطابق چین میں جمعرات کو کورونا سے ایک بھی شخص کی موت کی اطلاع نہیں ہے۔