امریکی نائب صدر مائک پینس اس ویکسین کے بارے میں عوام میں اعتماد پیدا کرنے کے اقدام کے تحت جمعہ کو کورونا ویکسین کو حاصل کریں گے۔
اطلاع کے مطابق وائٹ ہاؤس کی کورونا وائرس ٹاسک فورس کی رہنما کیرن پینس اور سرجن جنرل جیروم ایڈمس کو وائٹ ہاؤس میں ویکسین دی جائے گی۔
- خطرہ کی گھنٹی:
منگل کے روز انڈیانا میں آپریشن وارپ اسپیڈ پر گول میز کانفرنس کے دوران پینس نے کہا 'اس بات کا یقین رکھئے کہ ہم نے خطرہ کی گھنٹی کو بانپ لیا ہے، لیکن جب اس ویکسین کی بات آتی ہے تو ہم نے کوئی حتمی فیصلہ نہیں لیا ہے'۔
انہوں نے مزید کہا 'میں خود ہی ویکسین لینے کا منتظر ہوں اور بغیر کسی ہچکچاہٹ کے یہ کام کروں گا'۔
بتایا گیا ہے کہ قائم مقام سکریٹری برائے دفاع کرس ملر کے رواں ہفتے کے اوائل میں فائزر اور بائیو ٹیک ویکسین کو استعمال کیا تھا۔
- ویکسین کی تقسیم کا عمل:
یہ بات قابل ذکر ہےکہ امریکی فوڈ اینڈ ڈرگ ایڈمنسٹریشن (ایف ڈی اے) کورونا ویکسین کی ہنگامی استعمال کی اجازت دے دیا ہے۔ جس کے بعد اس کی مختلف ریاستوں میں تقسیم عمل میں لائی جارہی ہے۔
اس سے قبل نو منتخب صدر جو بائیڈن کے حوالے سے کہا ہے کہ ان کی ٹیم ناول کورونا وائرس کے خلاف عوامی طور پر ویکسین پلانے کے منصوبے پر کام کر رہی ہے تاکہ امریکہ کے عوام اس کا مشاہدہ کرسکیں۔
مزید پڑھیں: امریکہ میں کووڈ 19 ویکسینیشن مہم کا آغاز
یہ پوچھنے پر کہ وہ یہ ویکسین کب لیں گے؟ بائیڈن نے کہا تھا کہ 'ہم ابھی اس پر کام کر رہے ہیں'۔
