امریکی صدرڈونلڈ ٹرمپ نے نئے سربراہ کے لیے جیمس مرے کا نام دے دیا۔
امریکی میڈیا کے مطابق صدر ٹرمپ نے اپنے قائم مقام چیف آف اسٹاف مک ملوینی کو سیکرٹ سروس چیف رینڈالف ایلس کی برخاستگی کے احکامات دے دیے ہیں۔
میڈیا کا کہنا ہے کہ انکی برطرفی گزشتہ ماہ ہونے والے ایک واقعے کی بنا پر ہوئی ہے، جس میں ایک چینی خاتون نے فلوریڈا میں ٹرمپ کے گالف کلب میں گھسنے کی کوشش کی تھی، خاتون کے پاس متعدد چینی پاسپورٹس اور جدید ڈیوائسز ملی تھیں۔
اس سے پہلے امریکی صدر ڈونلڈ ٹرمپ کی امیگریشن پالیسی سے اختلافات پر سکریٹری ہوم لینڈ سکیورٹی کرسجن نیلسن نے استعفیٰ دیا ہے اور ٹرمپ نے کمشنر کسٹمز و سرحدی تحفظ کیون مک کو قائم مقام وزیر داخلہ مقرر کیا ہے۔
