امریکہ میں صدارتی انتخابات کا آغاز ہو چکا ہے اور بیشتر سروے اس بات کی طرف اشارہ دے رہے ہیں کہ ریاستہائے متحدہ امریکہ کے آئندہ صدر جو بائیڈن ہوں گے۔
یہی نہیں بلکہ ڈیموکریٹک پارٹی کی جانب سے صدارتی امیدوار جو بائیڈن بھی کافی پُر جوش اور پُر امید نظر آ رہے ہیں۔
حالانکہ ابھی انتخابات کا عمل جاری ہے اور فی الحال حتمی طو پر کسی کے لیے بھی صدر منتخب ہونے کی پیشین گوئی کرنا قبل از وقت ہو گی۔ تاہم جو بائیڈن نے صدر منتخب ہونے سے قبل ہی ایک ٹوئٹ کیا ہے، جو سرخیوں میں آ گیا ہے۔
انہوں نے اپنے ٹوئٹ پیغام میں لکھا کہ ' میں فخر کرتا ہوں کہ میں ڈیموکریٹ کی نمائندگی کرتا ہوں، لیکن میں امریکہ کے صدر کے طور پر حکومت کروں گا۔ صدر بننے پر میں ڈیموکریٹس اور ریپبلکن دونوں کے ساتھ مل کر کام کروں گا۔
میں جتنی سخت محنت اپنے حامیوں کے لیے کروں گا اسی طرح ان لوگوں کے لئے بھی جنہوں نے میری حمایت نہیں کی، کیونکہ یہ صدر کا کام ہے۔
جو بائیڈن کے اس ٹوئٹ کے بعد ان کے حامی کافی پُر جوش نظر آ رہے ہیں اور انہیں امید ہے کہ جو بائیڈن ہی چار برس کے لیے وہائٹ ہاوس کا رخ کریں گے۔
