امریکی ریاست نیویارک کے گورنر اینڈریو کومو کے حالیہ بیان سے ہنگامہ کھڑا ہو سکتا ہے۔ کومو نے اپنے بیان میں کہا ہے کہ نیویارک میں کرونا وائرس چین سے نہیں بلکہ یورپ سے داخل ہوا ہے۔
انہوں نے مزید کہا کہ 'ہم چین میں کورونا پھیلنے کے 2 ماہ بعد سرگرم ہوئے تھے اور صدر ڈونلڈ ٹرمپ کی جانب سے سفری پابندیاں تاخیر سے لگائی گئیں۔ یہی وجہ ہے ہے کہ امریکی ریاستوں میں اس بیماری کے پھیلاؤ کو نہیں روکا جاسکا۔
کومو نے ایک پریس کانفرنس میں کہا کہ بیان میں کہا کہ جب امریکی صدر نے یورپ اور چین کے لیے سفری پابندی کا حکم دیا اس وقت یہ وائرس امریکا میں بڑے پیمانے پر پھیل چکا تھا۔
خیال رہے کہ دنیا بھر کے مقابلے امریکہ میں سب سے زیادہ متاثرین پائے گئے ہیں۔ یہاں کورونا متاثرین کی تعداد 9 لاکھ 25 ہزار سے زائد ہو چکی ہے۔
امریکہ میں کورونا سے ہلاکتوں کی تعداد بھی دنیا بھر میں سب سے زیادہ ہے۔گزشتہ 24 گھنٹوں میں 3،332 افراد ہلاک ہو گئے جس کے ساتھ ہی مرنے والوں کی تعداد بڑھ کر 51،017 ہو گئی۔
