کورونا وائرس کے پھیلاؤ اور روک تھام کےلئے ایمرجنسی اور قرنطینہ میں 31 اگست تک توسیع کا اعلان پیرو کے صدر مارٹن وج کارا نے کیا ہے۔
صدر مارٹن وج کارا نے جمعہ کو سرکاری حکم جاری کرکے وائرس کی روک تھام کے اقدامات کو 31 اگست تک کےلئے بڑھا دیا۔
واضح رہے کہ پیرو میں 16 مارچ سے ایمرجنسی اور قرنطینہ کے حالات ہیں۔
تازہ حکم میں کہا گیا ہے کہ ایمرجنسی کے حالات کے دوران انفرادی آزادی اور سکیورٹی سے متعلق آئینی حقوق کا استعمال ممنوع ہے۔
ایمرجنسی کے حالات میں توسیع کے ساتھ ہی حکومت نے بیماری کو روکنے کےلئے مقامی وقت کے مطابق رات دس بجے سے صبح چار بجے تک قومی شب کرفیو کا حکم بھی دیا ہے۔
پیرو کے زیادہ انفیکشن والے علاقوں میں قرنطینہ نافذ ہے اور سبھی مقامی اسپتال مریضوں سے بھرے ہوئے ہیں۔