امریکہ میں کورونا وائرس سے اب تک 849 افراد ہلاک

امریکہ میں کورونا وائرس (کووڈ-19) کے کیسز میں مسلسل اضافہ ہو رہا ہے، ملک بھر میں اس مہلک وبا سے اب تک ہلاک ہونے والوں کی تعداد 849 ہو چکی ہے۔

جان ہاپکنز یونیورسٹی کے سائنس اور انجینئرنگ سینٹر ( سی ایس ایس ای ) نے بدھ کو اس کی اطلاع دی۔

سی ایس ایس ای کے مطابق امریکہ میں اب تک کورونا وائرس کے 61 ہزار167 کیسز کی تصدیق ہو چکی ہے۔ امریکہ کے نیویارک میں اس مرض سے سب سے زیادہ اموات ہو چکی ہیں اس کے بعد کنگز کاؤنٹی میں اس وبا کا پھیلاؤ دیکھنے کو مل رہا ہے۔

ویسے دنیا بھر کی 195 سے زائد ممالک اس کی زد میں ہیں اور تقریبا چار لاکھ افراد دنیا بھر میں اس مہلک وبا سے متاثر ہیں جبکہ ۱۸ ہزار سے زائد ہلاکتیں ہو چکی ہیں۔