امریکہ میں صحت کے ماہرین کا کہنا ہےکہ رواں برس کے اوائل میں امریکی حکومت کی جانب سے چین کو بھیجے گئے ماسک کے سبب یہاں ماسک کی کمی محسوس کی جا رہی ہے۔
واشنگٹن پوسٹ کی رپورٹ کے مطابق ٹرمپ انتظامیہ نے جنوری ماہ میں چین کو لاکھوں ڈالر کی رقم کے ماسک اور دیگر طبی ساز و سامان روانہ کیا تھا۔ اگر یہی ماسک چین نہ بھیجے گئے ہوتے تو امریکہ میں بہت سی قیمتی جانیں بچائی جا سکتی تھیں۔
معاشی اعداد و شمار اور حکومت کے داخلی دستاویزات کے جائزے کی بنیاد پر واشنگٹن پوسٹ کے صحافیوں کی ایک جماعت نے لکھا کہ ٹرمپ انتظامیہ وبا کے خطرات کو بھانپنے اور اس کی تیاری کرنے میں ناکام رہی ہے۔
اس کے علاوہ ٹیکساس سے ڈیموکریٹس کی نمائندہ لائیڈ ڈاگیٹ کا کہنا ہے کہ ٹرمپ انتظامیہ نے ماہرین کے مشورے پر عمل کرکے تیاری کرنے کے بجائے نظر انداز کیا ہے۔
قانون ساز نے اخبار کے حوالے سے بات کرتے ہوئے کہا کہ فی الحال طبی ساز و سامان کی سہولت کی کمی کے باعث لوگ اپنی جان گنوا رہے ہیں۔
