افریقی ملک کینیا میں شمالی سفید گینڈے کی مسلسل کم ہونے والی نسل پر قابو پانے کی کوشش کی جا رہی ہے۔
ماہرین جنگلات اور مویشیوں کے ڈاکٹرز کا کہنا ہے کہ مسلسل کم ہوتے سفید گینڈوں کی نسل میں اضافہ کیا جانا اب ممکن ہو سکے گا۔
ان کا کہنا ہے کہ جنگل میں دو مادہ سفید گینڈوں کے انڈوں کو انتہائی کامیابی کے ساتھ نکال لیا گیا ہے۔
بعد ازاں اس سلسلے میں تحقیقات کی مدد سے ان کی نسل کو بڑھانے کی کوشش کی جائے گی۔
مویشیوں کے ڈاکٹر اور سائنس داں روبرٹ ہرمس کا کہنا ہے کہ دونوں سفید مادہ گینڈوں میں حاملہ ہونے کی صلاحیت نہیں تھی۔ اس لیے ان کی نسل بڑھانے کے لیے واحد راستہ 'سروگیسی' تھا۔
گذشتہ 23 اگست سنہ 2019 کو ناجین اور فاتو نامی دونوں مادہ گینڈوں کے 10 انڈوں کو نکالا گیا تھا۔ اب ان انڈوں کے ذریعہ سروگیسی کی مدد سے بچے پیدا کرنے کی کوشش کی جائے گی۔
انڈوں کو سفید نر گینڈے کے جمے ہوئے اسپرم کے ساتھ مصنوعی طور پر فرٹیلائز کیا جائے گا۔ بعد ازاں انہیں دوسری شمالی سفید مادہ گینڈے کے رحم میں ڈال کر زائگوٹ اور بچے پیدا کرنے کی کوشش کی جائے گی۔
ایسے میں یہ کہا جا سکتا ہے کہ کینا میں شمالی سفید گینڈوں کی نسل کو نہ صرف محفوظ رکھا جا سکتا ہے بلکہ بآسانی ان کی نسل میں اضافہ کیا جا سکے گا۔
