ایکواٹوریل گینی کے سب سے بڑے شہر باٹا میں ایک فوجی ہوائی اڈے پر اتوار کو متواتر کئی دھماکے ہوئے جس میں 17 افراد ہالک جبکہ 400 سے زائد زخمی ہوئے ہیں۔
صدر تیودورو اوبیانگ کے مطابق بارود کے استعمال کے دوران غفلٹ کے باعث فوجی اڈے پر دھماکے ہوئے۔ صدر نے پہلے کہا تھا کہ 15 افراد ہلاک اور 500 افراد زخمی ہوئے ہیں۔ بعدازاں ملک کی وزارت صحت نے بتایا کہ دھماکوں میں 17 افراد ہلاک اور 420 افراد زخمی ہوئے ہیں۔
مقامی وقت کے مطابق یہ حادثہ اتوار کو شام چار بجے ہوا۔
صحت افسران کے مطابق دھماکے سے عمارت کے نیچے ابھی بہت سے لوگ دبے ہوئے ہیں جن کا پتہ نہیں چل سکا ہے۔
مقامی ٹیوی چینل نے دھماکے کے مقام پر کافی دھواں اٹھتے ہوئے دکھایا ہے جب دھماکے کے بعد لوگ بھاگ رہے تھے اور چیخ پکار کر رہے تھے۔
وزارت صحت نے ٹویٹ کیا ہے کہ صحت کے کارکنان حادثے کے مقام پر موجود ہیں اور زخمیوں کا علاج کر رہے ہیں، زخمی لوگوں کا علاج اسپتال میں کیا جا رہا ہے ساتھ ہی خدشہ ظاہر کیا جا رہاہے کہ لوگ ابھی بھی ملبے تلے دبے ہوئے ہیں۔
ایسوسی ایٹڈ پریس کے ذریعہ مقامی میڈیا پر دکھائی جانے والی تصاویر میں دکھایا گیا ہے کہ ملبے اور دھواں کے بیچ سڑکوں پر لوگ چیخ چیخ کر رو رہے ہیں۔
عمارت کی چھتیں ٹوٹ گئیں ہیں اور زخمیوں کو اسپتال منتقل کیا جارہا ہے۔
