حیدرآباد: سوناکشی سنہا اور ظہیر اقبال کے رشتے کے حوالے سے کئی خبریں آئی ہیں۔ اب اداکارہ سوناکشی نے طہیر اقبال کے ساتھ اپنے نئے گانے ' بلاک بسٹر' کا اعلان کیا ہے۔ اداکارہ نے فلم کا ٹیزر سوشل میڈیا پر شیئر کیا ہے۔ ٹیزر میں سوناکشی، ظہیر کے علاوہ پنجابی اداکار اور گلوکار ایمی ورک اور آسیس کور کے نام بھی نظر آ رہے ہیں۔ اس میوزک ویڈیو کی ہدایت کاری مسٹر اینڈ مس فلمز اور رنجو ورگیز نے کی ہے۔ اس نغمہ کو 23 ستمبر کو ریلیز کردیا جائے گا۔Blockbuster Teaser Out
اس ٹیزر کو شیئر کرتے ہوئے سوناکشی سنہا نے لکھا کہ 'بلاک بسٹر، جلد آرہا ہے... کیا آپ تیار ہیں؟'۔ حالانکہ اداکارہ نے میوزک ویڈیو کی کوئی جھلک نہیں شیئر کی ہے۔ واضح رہے کہ اس میوزک ویڈیو کے ذریعہ سوناکشی اور اقبال کی جوڑی پہلی بار اسکرین پر نظر آئے گی، جسے آسیس کور اور ایمی ورک نے اپنی آواز دی ہے۔
- " class="align-text-top noRightClick twitterSection" data="
">
خیال رہے کہ اس سے قبل فلم ’فکرے‘ کے اداکار ورون شرما نے اپنی انسٹاسٹوری پر ایک تصویر شیئر کی تھی، جس میں سوناکشی سنہا اور ظہیر اقبال ایک دوسرے کے ساتھ خوبصورت نظر آرہے ہیں۔ اس تصویر کو شیئر کرتے ہوئے ورون شرما نے لکھا، 'اوئے ہوئے اسے کہتے ہیں بلاک بسٹر جوڑی'۔
سوناکشی فلم 'بھوج - دی پرائیڈ آف انڈیا' کے بعد دوبارہ بڑے پردے پر واپسی کر رہی ہیں۔ اداکارہ کی نئی فلم 'نکیتا رائے اینڈ دی بک آف ڈارکنیس' کا پہلا لک جاری کر دیا گیا ہے۔ اس فلم کا پوسٹر اداکارہ نے سوشل میڈیا پر شیئر کیا۔
سوناکشی سنہا نے اپنے انسٹاگرام اکاؤنٹ پر فلم 'نکیتا رائے - اینڈ دی بک آف ڈارکنس' کا پہلا لک جاری کرتے ہوئے بتایا کہ اس فلم کو ان کے بھائی کش ایس سنگھ ڈائریکٹ کرنے جارہے ہیں۔
مزید پڑھیں:بلاک بسٹر جوڑی سوناکشی سنہا اور ظہیر اقبال کی تصاویر پر ایک نظر
