پرتھوی راج سُکمارن نے حال ہی میں ایک شادی میں شرکت کی جس میں کمل ہاسن، اکشے کمار، کرن جوہر، موہن لال اور دیگر مشہور شخصیات نے شرکت کی۔ اب اداکار نے اس شادی تقریب سے عامر خان کے ساتھ مسکراتی ہوئی ایک تصویر شیئر کی ہے۔ رپورٹس کے مطابق ملیالم اداکار اور عامر دونوں نے والٹ ڈزنی کمپنی انڈیا اور اسٹار انڈیا کے صدر کے مادھون کے بیٹے کی شادی میں شرکت کی تھی، جو جے پور میں ہوئی تھی۔ Prithviraj Shares Pic With Aamir Khan
- " class="align-text-top noRightClick twitterSection" data="
">
اب پرتھوی راج سکمارن نے شادی تقریب میں شرکت کرنے کی تصویر انسٹاگرام پر شیئر کی، جس میں وہ عامر خان کے ساتھ نظر آرہے ہیں۔ اس تصویر کو شیئر کرتے ہوئے انہوں نے کیپشن میں لکھا کہ ' انسپریشن، آئیڈل، عامر خان'۔ انہوں نے اپنے کیپشن میں سرخ دل کا ایموجی بھی شامل کیا۔ تصویر میں عامر پرتھوی راج کے سامنے کرسی پر بیٹھے ہوئے نظر آرہے ہیں۔ اس تصویر میں دونوں ہنستے نظر آرہے ہیں۔ تصویر میں پرتھوی راج گرے اور سنہری رنگ کا کرتہ پہنا ہوا، جب کہ عامر سفید کرتے میں ملبوس نظر آرہے ہیں۔
واضح رہے کہ جے پور میں ہونے والی اس شادی میں اکشے کمار اور مشہور ملیالم اداکار موہن لال نے شرکت کی تھی۔ اکشے کمار نے اس شادی تقریب سے اپنی ایک ویڈیو انسٹاگرام پر شیئر کی تھی، جس میں وہ موہن لال کے ساتھ رقص کرتے نظر آرہے ہیں۔
- " class="align-text-top noRightClick twitterSection" data="
">
اس سے قبل پرتھوی راج اور ان کی اہلیہ سپریا نے جیسلمیر میں سدھارتھ ملہوترا اور کیارا اڈوانی کی شاندار شادی میں بھی شرکت کی تھی۔ اداکار نے فلمساز کرن جوہر کے ساتھ شادی تقریب کی ایک تصویر شیئر کی تھی۔ اس تصویر میں پرتھوی راج جہاں سفید شیروانی میں نظر آرہے ہیں وہیں بیوی سپریا نارنگی رنگ کے لہنگے میں نظر آرہے ہیں۔ کرن نے سدھارتھ اور کیارا کی شادی کے لیے سیاہ اور سنہرے رنگ کے شیروانی میں نظر آرہے ہیں۔
