حیدرآباد: عامر خان اور کرینہ کپور خان کی فلم 'لال سنگھ چڈھا' 11 اگست کو رکشا بندھن کے موقع پر ریلیز ہو رہی ہے۔ فلم کے اداکار عامر اور کرینہ زور و شور سے فلم کی تشہیر کر رہے ہیں۔ وہیں کرینہ کپور خان نے ایک انٹرویو کے دوران اپنی نئی بھابھی اور بہترین اداکارہ عالیہ بھٹ کی تعریفوں کے پل باندھ دیے ہیں۔Kareena Kapoor Praises Alia Bhatt
ایک انٹرویو میں جب عالیہ بھٹ کے حوالے سے کرینہ سے سوال کیا گیا تو انہوں نے کہا کہ ' مجھے لگتا ہے کہ وہ ایک شاندار اداکارہ ہیں، گزشتہ ایک دہائی میں ان جیسی کوئی اداکارہ نہیں آئی ہے، وہ بہت بہادر ہیں اور وہ اس چیز کو اپنی کیرئیر میں آگے بھی جاری رکھیں گی'۔
آپ کو بتادیں کہ عالیہ بھٹ نے بھی اپنے کئی انٹرویو میں بتایا ہے کہ وہ کرینہ کپور کی کتنی بڑی مداح رہ چکی ہیں۔ حال ہی میں عالیہ بھٹ نے فلم کبھی خوشی کبھی غم سے کرینہ کے مقبول کردار 'پو' کی طرح اداکاری کرتی ہوئی ایک ویڈیو شیئر کی تھی، جو انٹرنیٹ پر خوب وائرل بھی ہوا تھا۔
- " class="align-text-top noRightClick twitterSection" data="
">
کرینہ کپور اداکار رنبیر کپور کی چچیری بہن ہیں اور رنبیر اور عالیہ بھٹ کی شادی کے موقع پر کرینہ نے خوب مزے بھی کیے۔ رنبیر اور عالیہ کی شادی رواں سال 14 اپریل کو ہوئی تھی اور شادی کے ڈھائی ماہ بعد 27 جون کو جوڑے نے حمل کا اعلان کرکے مداحوں کو خوش کردیا تھا۔
وہیں اب خبر ہے کہ رنبیر اور عالیہ اپنے بے بی مون پر ہیں، جس کا انکشاف سونم کپور نے کیا جو رنبیر کپور کے ساتھ افیئر کی وجہ سے کسی زمانے میں سرخیوں کی رونق بنی رہتی تھیں۔
واضح رہے کہ کرینہ ان دنوں اپنی فلم 'لال سنگھ چڈھا' کی وجہ سے سرخیوں میں ہیں، یہ فلم 11 اگست کو ریلیز ہو رہی ہے۔ اس فلم میں '3 ایڈیٹس' کے عامر اور کرینہ کی جوڑی ایک بار پھر بڑے پردے پر دھوم مچانے کی کوشش کرے گی ۔اس فلم کے ہدایت کار ادویت چندن ہیں جنہوں نے عامر خان کے ساتھ مل کر فلم سیکرٹ سپر اسٹار کی ہدایت کاری کی ہے۔
مزید پڑھیں:Laal Singh Chaddha: فلم لال سنگھ چڈھا کی ریلیز سے قبل عامر خان کی اڑی نیند
یہ فلم ہالی ووڈ فلم 'فاریسٹ گم' کا ہندی ریمیک ہے۔ عامر خان کی اس فلم کا بھی سوشل میڈیا پر کافی بائیکاٹ کیا گیا، جس پر عامر خان نے اپنا جذباتی ردعمل ظاہر کرتے ہوئے لوگوں سے فلم دیکھنے کی اپیل کی ہے۔
